Accueil / Actualités / الشهيد البطل مروان مشّي: ما قالته والدته عند سماعها خبر استشهاده

الشهيد البطل مروان مشّي: ما قالته والدته عند سماعها خبر استشهاده

ويني الزّغاريط … شبيكم ساكتين …ڨوموا حظروا الدّنيا شبيكم ڨاعدين ؟…هيا ڨوموا و كمْلوا الحوسة …قبل ما يجيوا دار العروسة …لـمّولوا فرشو و بيتو …حدّدولو سروالو و سوريتو …حظرولوا عشاه …و حطّوه فوڨ الطّاولة بش كي يجي يلڨاه …ما” تطيبولوش عشاء حار …حطّولوا في صحفتو البلاّر …يحب في السلاطة الكبّار …هيّا يا بنات …ڨوموا يزّيوا مالسّكات…حطّوا الطواول و الكراسي …ڨوموا عاونوني مالتعب تـڨطعت أنفاسي …هيّــا خليّ نعملوا جوْ …و اجبدوا الأطبقة متاع الحلو …الدّنيا ظلامت شعلونا الضّوء …ڨوموا ڨوموا العريس جابوه …على أكتاف بوه …
وسعولهم الطريق يدخلوه…و يغسْلوه …في أحلى كفن يلفّـــوه …
و بأحلى ريحة يطيبوه …بعدوا خلّي يعملولوا الحنّة …ولدي ماشي للجنّة …زغرطوا… يا نساوين …زغرطوا … على ولدي الحنين …
“اليوم موش كيما كل نهار …اليوم عرس زينة الدّار

Check Also

كل التفاصيل عن طلاق الإعلامي مكي هلال و سونيا اليونسي

نزلت الإعلامية سونيا اليونسي ضيفة على برنامج “رمضان شو” وتحدثت بكل شجاعة عن طلاقها من ...

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *